Opens in a new tab
ADVERTISEMENT
● ലൈവ് എഡിഷൻ  |  2026 ഒക്ടോബർ 9, വെള്ളിയാഴ്ച
Newsfact Malayalam News Portal Official Logo
→
ഫോണ്ട്
Business
ഹോം / Business / വാർത്ത

ഇന്ത്യ – ഒമാൻ സ്വതന്ത്ര വ്യാപാര കരാർ പ്രാബല്യത്തിൽ; ഇരുരാജ്യങ്ങൾക്കും വലിയ നേട്ടം

ഇന്ത്യ - ഒമാൻ സമഗ്ര സാമ്പത്തിക പങ്കാളിത്ത കരാർ പ്രാബല്യത്തിൽ. ഇന്ത്യൻ ഉൽപ്പന്നങ്ങൾക്ക് ഒമാനിൽ നികുതിയിളവ് ലഭിക്കും; വിസ നിയമങ്ങളിലും പ്രവാസികൾക്ക് ഇളവ്.
ADVERTISEMENT
Illuminated laptop

ഇന്ത്യയും ഒമാനും തമ്മിലുള്ള സമഗ്ര സാമ്പത്തിക പങ്കാളിത്ത കരാർ (CEPA) ജൂൺ ഒന്ന് മുതൽ പ്രാബല്യത്തിൽ വന്നു. യുഎഇക്ക് ശേഷം ഗൾഫ് മേഖലയിൽ ഇന്ത്യ നടപ്പാക്കുന്ന രണ്ടാമത്തെ വലിയ വ്യാപാര കരാറാണിത്. പുതിയ കരാർ നിലവിൽ വന്നതോടെ ഇരുരാജ്യങ്ങളും തമ്മിലുള്ള ഉഭയകക്ഷി വ്യാപാരത്തിലും നിക്ഷേപങ്ങളിലും വൻ കുതിച്ചുചാട്ടമുണ്ടാകുമെന്നാണ് വിലയിരുത്തപ്പെടുന്നത്. കഴിഞ്ഞ സാമ്പത്തിക വർഷത്തിൽ 11.18 ബില്യൺ ഡോളറിന്റെ വ്യാപാരമാണ് ഇരുരാജ്യങ്ങളും തമ്മിൽ നടത്തിയത്.

കരാർ പ്രകാരം ഇന്ത്യയിൽ നിന്നുള്ള 98 ശതമാനത്തിലധികം ഉൽപ്പന്നങ്ങൾക്ക് ഒമാനിൽ പൂർണ്ണമായ നികുതിയിളവ് ലഭിക്കും. നിലവിൽ അഞ്ച് ശതമാനം ഇറക്കുമതി തീരുവ നേരിടുന്ന ടെക്സ്റ്റൈൽസ്, കാർഷിക ഉൽപ്പന്നങ്ങൾ, ആഭരണങ്ങൾ, മരുന്നുകൾ, വാഹനങ്ങൾ തുടങ്ങിയ മേഖലകൾക്ക് ഒമാൻ വിപണിയിൽ വലിയ മത്സരശേഷി കൈവരും. പകരമായി, ഒമാനിൽ നിന്നുള്ള ഈത്തപ്പഴം ഉൾപ്പെടെയുള്ള ഉൽപ്പന്നങ്ങൾക്ക് ഇന്ത്യയും നികുതിയിളവ് നൽകും. എന്നാൽ, ആഭ്യന്തര കർഷകരുടെ താല്പര്യം സംരക്ഷിച്ച് പാൽ, മാംസം, പഞ്ചസാര തുടങ്ങിയ തന്ത്രപ്രധാനമായ കാർഷിക ഉൽപ്പന്നങ്ങളെ ഇന്ത്യ കരാറിൽ നിന്ന് ഒഴിവാക്കിയിട്ടുണ്ട്.

പ്രവാസി മലയാളി പ്രൊഫഷണലുകൾക്കും ഒമാനിൽ നിക്ഷേപമുള്ള ഇന്ത്യൻ കമ്പനികൾക്കും വലിയ ആശ്വാസം നൽകുന്നതാണ് പുതിയ കരാറിലെ വ്യവസ്ഥകൾ. ഐടി വിദഗ്ധർ, ഡോക്ടർമാർ, അധ്യാപകർ തുടങ്ങിയവർക്ക് താല്കാലിക സേവനത്തിനായി ഒമാനിൽ തങ്ങാനുള്ള വിസ കാലാവധി രണ്ടു വർഷമായി വർദ്ധിപ്പിച്ചു. കൂടാതെ, ഒമാനിൽ പ്രവർത്തിക്കുന്ന ഇന്ത്യൻ കമ്പനികൾക്ക് കൂടുതൽ ഇന്ത്യൻ ജീവനക്കാരെ നിയോഗിക്കാനുള്ള അവസരവും ഈ കരാർ വഴി ലഭ്യമാകും.

ADVERTISEMENT