Opens in a new tab
ADVERTISEMENT
● ലൈവ് എഡിഷൻ  |  2026 ഒക്ടോബർ 9, വെള്ളിയാഴ്ച
Newsfact Malayalam News Portal Official Logo
→
ഫോണ്ട്
Technology
ഹോം / Technology / വാർത്ത

പശ്ചിമേഷ്യൻ പ്രതിസന്ധി:ജനങ്ങൾ എഐ ഡിജിറ്റൽ പ്ലാറ്റഫോമുകളെ അമിതമായി ആശ്രയിക്കുന്നുവെന്ന് പഠനം

അനിശ്ചിതത്വകാലത്ത് വിവരങ്ങൾക്കായി എ.ഐ പ്ലാറ്റ്‌ഫോമുകളെയും ഡിജിറ്റൽ മാധ്യമങ്ങളെയും അമിതമായി ആശ്രയിക്കുന്നത് അപകടകരമെന്ന് എച്ച്.ബി.കെ.യു പ്രൊഫസർ ഡോ. റയാൻ അലി.
ADVERTISEMENT

ദോഹ: ആഗോളതലത്തിലും പ്രാദേശികമായും അനിശ്ചിതത്വങ്ങളും ആശങ്കകളും വർദ്ധിക്കുന്ന സാഹചര്യങ്ങളിൽ വിവരങ്ങൾക്കും മാനസികമായ ആശ്വാസത്തിനുമായി ജനങ്ങൾ നിർമ്മിതബുദ്ധി (AI) അധിഷ്ഠിത ഡിജിറ്റൽ പ്ലാറ്റ്‌ഫോമുകളെ അമിതമായി ആശ്രയിക്കുന്നുവെന്ന് ഹമദ് ബിൻ ഖലീഫ യൂണിവേഴ്സിറ്റിയിലെ (HBKU) വിദഗ്ധൻ. പ്രതിസന്ധി മേഖലയിലെ സുരക്ഷാ വാർത്തകൾ, യാത്രാ പ്രതിസന്ധികൾ, ജോലി-കുടുംബ സംബന്ധമായ തീരുമാനങ്ങൾ എന്നിവയ്ക്കായി പ്രവാസി സമൂഹം അടക്കമുള്ളവർ ഇത്തരം ഡിജിറ്റൽ സംവിധാനങ്ങളെ അന്ധമായി വിശ്വസിക്കുന്നത് തെറ്റായ വിവരങ്ങളിലേക്ക് (Misinformation) നയിച്ചേക്കാമെന്ന് കോളേജ് ഓഫ് സയൻസ് ആൻഡ് എഞ്ചിനീയറിംഗ് പ്രൊഫസറും യുനെസ്കോ ചെയറുമായ ഡോ. റയാൻ അലി വ്യക്തമാക്കുന്നു.

അസ്ഥിരതയുടെ കാലത്ത് സാമൂഹിക സമ്പർക്കം, കൃത്യസമയത്തുള്ള വിവരശേഖരണം, സുരക്ഷിതത്വബോധം എന്നിവയ്ക്കായി ആളുകൾ സ്വാഭാവികമായും ഡിജിറ്റൽ പ്ലാറ്റ്‌ഫോമുകളിൽ കൂടുതൽ തിരയാറുണ്ട്. ഉപയോക്താക്കളുടെ താൽപ്പര്യങ്ങൾ മുൻകൂട്ടി കണ്ട് ഉള്ളടക്കങ്ങൾ വ്യക്തിഗതമായി (Personalization) കാണിക്കാൻ എ.ഐ പ്ലാറ്റ്‌ഫോമുകൾക്ക് സാധിക്കുമെങ്കിലും, ഇത് ഉപയോക്താവിനെ ഒരു പ്രത്യേക ചിന്താഗതിയിലേക്ക് മാത്രമായി ചുരുക്കാൻ കാരണമാകുന്നു. വസ്തുതാപരമായ വേറിട്ട കാഴ്ചപ്പാടുകൾ തിരിച്ചറിയുന്നതിൽ നിന്നും വ്യക്തികളെ ഇത് തടയുകയും വികാരാധിഷ്ഠിതമായ ഉള്ളടക്കങ്ങൾ കൂടുതൽ പ്രചരിപ്പിക്കാൻ ഇടയാക്കുകയും ചെയ്യും.

വിസ, വിമാനയാത്ര, സ്കൂൾ പ്രവേശനം, പൊതുജനാരോഗ്യം, സുരക്ഷ തുടങ്ങിയ നിർണായക വിവരങ്ങൾക്കായി വാട്‌സ്ആപ്പ്, ഫേസ്ബുക്ക്, എക്‌സ് (ട്വിറ്റർ) അല്ലെങ്കിൽ എ.ഐ ടൂളുകൾ നൽകുന്ന സംഗ്രഹങ്ങൾ എന്നിവയെ മാത്രം ആശ്രയിക്കുന്ന ഖത്തറിലെ പ്രവാസി മലയാളി സമൂഹം ഈ മുന്നറിയിപ്പ് ഗൗരവമായി കാണേണ്ടതുണ്ട്. കുടുംബ ഗ്രൂപ്പുകളിലും സോഷ്യൽ മീഡിയയിലും അതിവേഗം പ്രചരിക്കുന്ന സന്ദേശങ്ങൾ പലപ്പോഴും പ്രവാസികൾക്കിടയിൽ അനാവശ്യ ആശങ്കകൾ സൃഷ്ടിക്കുന്നവയാണ്. അതിനാൽ ഏത് വാർത്തയും വായിക്കുമ്പോൾ അതിന്റെ തീയതി, ഉറവിടം, ഔദ്യോഗിക സ്ഥിരീകരണം എന്നിവ കൃത്യമായി പരിശോധിച്ച് മാത്രം വിശ്വസിക്കുകയും പങ്കുവെക്കുകയും ചെയ്യുക എന്നത് പ്രവാസി സുരക്ഷയുടെ പ്രധാന ഭാഗമാണ്.

ADVERTISEMENT