Opens in a new tab
ADVERTISEMENT
● ലൈവ് എഡിഷൻ  |  2026 ഒക്ടോബർ 9, വെള്ളിയാഴ്ച
Newsfact Malayalam News Portal Official Logo
→
ഫോണ്ട്
World
ഹോം / World / വാർത്ത

ഈദ് അവധിയിലെ തിരക്ക്; സീലൈൻ അടക്കമുള്ള പ്രമുഖ ബീച്ചുകളിൽ വിപുലമായ ശുചീകരണവുമായി മന്ത്രാലയം

ദോഹ: ഈദ് അൽ അദ്ഹ അവധിക്കാലത്ത് രാജ്യത്തെ പ്രധാന തീരപ്രദേശങ്ങളിലും പ്രകൃതിദത്ത കൺസർവേഷൻ കേന്ദ്രങ്ങളിലും ശുചിത്വം ഉറപ്പാക്കാൻ വിപുലമായ ശുചീകരണ ക്യാമ്പയിനുമായി ഖത്തർ പരിസ്ഥിതി-കാലാവസ്ഥാ വ്യതിയാന മന്ത്രാലയം. മന്ത്രാലയത്തിന് കീഴിലുള്ള നാച്ചുറൽ റിസർവ്സ് ഡയറക്ടറേറ്റിന്റെ നേതൃത്വത്തിൽ സീലൈൻ, ഖോർ അൽ അദൈദ് റിസർവ്, അൽ ദഖിറ റിസർവ് എന്നിവിടങ്ങളിലാണ് പ്രത്യേക ശുചീകരണ പ്രവർത്തനങ്ങൾ നടത്തിയത്. ഈദ് ദിനങ്ങളിൽ ബീച്ചുകളിൽ സന്ദർശകരുടെ വലിയ തിരക്ക് അനുഭവപ്പെട്ട പശ്ചാത്തലത്തിലാണ് അടിയന്തര നടപടി. ആദ്യ രണ്ട് ഈദ് ദിവസങ്ങളിലായി നടന്ന ക്യാമ്പയിനിലൂടെ…
ADVERTISEMENT

ദോഹ: ഈദ് അൽ അദ്ഹ അവധിക്കാലത്ത് രാജ്യത്തെ പ്രധാന തീരപ്രദേശങ്ങളിലും പ്രകൃതിദത്ത കൺസർവേഷൻ കേന്ദ്രങ്ങളിലും ശുചിത്വം ഉറപ്പാക്കാൻ വിപുലമായ ശുചീകരണ ക്യാമ്പയിനുമായി ഖത്തർ പരിസ്ഥിതി-കാലാവസ്ഥാ വ്യതിയാന മന്ത്രാലയം. മന്ത്രാലയത്തിന് കീഴിലുള്ള നാച്ചുറൽ റിസർവ്സ് ഡയറക്ടറേറ്റിന്റെ നേതൃത്വത്തിൽ സീലൈൻ, ഖോർ അൽ അദൈദ് റിസർവ്, അൽ ദഖിറ റിസർവ് എന്നിവിടങ്ങളിലാണ് പ്രത്യേക ശുചീകരണ പ്രവർത്തനങ്ങൾ നടത്തിയത്. ഈദ് ദിനങ്ങളിൽ ബീച്ചുകളിൽ സന്ദർശകരുടെ വലിയ തിരക്ക് അനുഭവപ്പെട്ട പശ്ചാത്തലത്തിലാണ് അടിയന്തര നടപടി.

ആദ്യ രണ്ട് ഈദ് ദിവസങ്ങളിലായി നടന്ന ക്യാമ്പയിനിലൂടെ ടണ്ണക്കണക്കിന് പ്ലാസ്റ്റിക്, ഭക്ഷണ അവശിഷ്ടങ്ങൾ ഉൾപ്പെടെയുള്ള വിവിധ തരം മാലിന്യങ്ങളാണ് തീരങ്ങളിൽ നിന്ന് നീക്കം ചെയ്തത്. ശുചീകരണത്തോടൊപ്പം തന്നെ ബീച്ചുകളിലെത്തിയ സന്ദർശകർക്കായി പ്രത്യേക ബോധവത്കരണ പരിപാടികളും മന്ത്രാലയ ഉദ്യോഗസ്ഥർ സംഘടിപ്പിച്ചു. പ്രകൃതിദത്ത വിനോദകേന്ദ്രങ്ങളുടെ തനിമ നഷ്ടപ്പെടാതെ സൂക്ഷിക്കേണ്ടത് ഓരോ പൗരന്റെയും പ്രവാസിയുടെയും കടമയാണെന്ന് അധികൃതർ ഓർമ്മിപ്പിച്ചു.

മലയാളികൾ ഉൾപ്പെടെയുള്ള ആയിരക്കണക്കിന് ഇന്ത്യൻ പ്രവാസികളാണ് അവധി ദിവസങ്ങളിലും വാരാന്ത്യങ്ങളിലും സീലൈനിലെയും അൽ ദഖിറയിലെയും കടൽത്തീരങ്ങളിലേക്ക് ഒത്തുചേരലുകൾക്കായി എത്തുന്നത്. അതിനാൽ ബീച്ചുകളിലും മരുഭൂമി പ്രദേശങ്ങളിലും ബാർബിക്യൂ അവശിഷ്ടങ്ങൾ, പ്ലാസ്റ്റിക് കുപ്പികൾ, മറ്റ് മാലിന്യങ്ങൾ എന്നിവ വലിച്ചെറിയാതെ നിർദ്ദിഷ്ട സ്ഥലങ്ങളിൽ മാത്രം നിക്ഷേപിക്കാൻ പ്രവാസികൾ പ്രത്യേകം ശ്രദ്ധിക്കണം. പ്രകൃതി സംരക്ഷണ കേന്ദ്രങ്ങളിലെ കടുത്ത നിയമലംഘനങ്ങൾക്ക് വലിയ പിഴ ഈടാക്കുമെന്നതിനാൽ ഔദ്യോഗിക മാർഗ്ഗനിർദ്ദേശങ്ങൾ കർശനമായി പാലിക്കണമെന്നും മന്ത്രാലയം മുന്നറിയിപ്പ് നൽകി.

ADVERTISEMENT