Opens in a new tab
ADVERTISEMENT
● ലൈവ് എഡിഷൻ  |  2026 ഒക്ടോബർ 9, വെള്ളിയാഴ്ച
Newsfact Malayalam News Portal Official Logo
→
ഫോണ്ട്
World
ഹോം / World / വാർത്ത

ഏഷ്യയിൽ ഭീതിവിതച്ച് ‘ബാവി’ ചുഴലിക്കാറ്റ്; അബുദാബി വിമാന സർവീസുകൾ പുനഃക്രമീകരിച്ച് ഇത്തിഹാദ് എയർവേയ്‌സ്

ഏഷ്യൻ രാജ്യങ്ങളിൽ 'ബാവി' ചുഴലിക്കാറ്റ് ശക്തമാകുന്ന പശ്ചാത്തലത്തിൽ അബുദാബി-തായ്‌പേയ് വിമാന സർവീസുകൾ പുനഃക്രമീകരിച്ച് ഇത്തിഹാദ് എയർവേയ്‌സ്. പ്രവാസികൾ ശ്രദ്ധിക്കുക.
ADVERTISEMENT
Newsfact Portal Graphic

അബുദാബി: ഏഷ്യൻ രാജ്യങ്ങളിൽ വലിയ നാശനഷ്ടം വിതച്ചേക്കാവുന്ന ‘ബാവി’ (Super Typhoon Bavi) സൂപ്പർ ചുഴലിക്കാറ്റ് ആഞ്ഞടിക്കുന്ന പശ്ചാത്തലത്തിൽ, യുഎഇയിൽ നിന്നുള്ള ചില അന്താരാഷ്ട്ര വിമാന സർവീസുകൾ പുനഃക്രമീകരിച്ച് ഇത്തിഹാദ് എയർവേയ്‌സ് (Etihad Airways).

അബുദാബി സായിദ് അന്താരാഷ്ട്ര വിമാനത്താവളത്തിൽ (Zayed International Airport) നിന്നും തായ്‌വാനിലെ തായ്‌പേയ്‌ തൗയുവാൻ അന്താരാഷ്ട്ര വിമാനത്താവളത്തിലേക്കും തിരിച്ചുമുള്ള സർവീസുകളിലാണ് ഇത്തിഹാദ് മാറ്റങ്ങൾ വരുത്തിയത്.

ചുഴലിക്കാറ്റിന്റെ തീവ്രത കണക്കിലെടുത്ത് വിമാനങ്ങൾ വൈകാനും ചിലത് നേരത്തെ പുറപ്പെടാനും സാധ്യതയുണ്ടെന്ന് എയർലൈൻ ഔദ്യോഗിക യാത്രാ മാർഗനിർദേശത്തിൽ അറിയിച്ചു.

​ഇത്തിഹാദിന്റെ EY898, EY899 എന്നീ വിമാന സർവീസുകളെയാണ് കാലാവസ്ഥാ വ്യതിയാനം പ്രധാനമായും ബാധിച്ചിരിക്കുന്നത്.

ജൂലൈ 10-ന് തായ്‌വാനിൽ നിന്ന് അബുദാബിയിലേക്ക് പുറപ്പെടേണ്ടിയിരുന്ന EY899 വിമാനം നിശ്ചിത സമയത്തിനും മുൻപേ സർവീസ് നടത്തി.

അതേസമയം, ജൂലൈ 10-ന് അബുദാബിയിൽ നിന്ന് തായ്‌പേയ്‌ലേക്ക് പോകേണ്ടിയിരുന്ന EY898 വിമാനവും, ഇതിന്റെ തുടർച്ചയായി ജൂലൈ 11-ന് തായ്‌പേയ്‌ൽ നിന്ന് അബുദാബിയിലേക്ക് വരേണ്ട EY899 വിമാനവും വൈകുമെന്നാണ് ഇത്തിഹാദ് വ്യക്തമാക്കിയത്.

പ്രതികൂല കാലാവസ്ഥ തുടരുന്നതിനാൽ വരും ദിവസങ്ങളിലും ഈ റൂട്ടിൽ കൂടുതൽ സർവീസ് തടസ്സങ്ങൾ ഉണ്ടായേക്കാമെന്നും എയർലൈൻ മുന്നറിയിപ്പ് നൽകുന്നു.

​ബാധിക്കപ്പെട്ട വിമാനങ്ങളിൽ ടിക്കറ്റ് ബുക്ക് ചെയ്തിട്ടുള്ള യാത്രക്കാരെ ഇത്തിഹാദ് നേരിട്ട് വിവരങ്ങൾ അറിയിക്കുന്നുണ്ട്.

യാത്രക്കാർ തങ്ങളുടെ കോൺടാക്റ്റ് വിവരങ്ങൾ എയർലൈൻ പ്രൊഫൈലിൽ കൃത്യമായി അപ്ഡേറ്റ് ചെയ്യണമെന്നും, എസ്എംഎസ്, ഇമെയിൽ വഴിയുള്ള അറിയിപ്പുകൾ ശ്രദ്ധിക്കണമെന്നും ഇത്തിഹാദ് ആവശ്യപ്പെട്ടു.

ഇത്തിഹാദിന് പുറമെ സിംഗപ്പൂർ എയർലൈൻസ്, കാഥേ പസഫിക് തുടങ്ങിയ പ്രമുഖ എയർലൈനുകളും മേഖലയിലേക്കുള്ള തങ്ങളുടെ സർവീസുകൾ റദ്ദാക്കുകയോ പുനഃക്രമീകരിക്കുകയോ ചെയ്തിട്ടുണ്ട്.

​1987-ന് ശേഷം തായ്‌വാനെ ബാധിക്കുന്ന ഏറ്റവും വലിയ ചുഴലിക്കാറ്റുകളിൽ ഒന്നായിരിക്കും ‘ബാവി’ എന്നാണ് കാലാവസ്ഥാ നിരീക്ഷണ കേന്ദ്രങ്ങൾ വ്യക്തമാക്കുന്നത്.

മണിക്കൂറിൽ 200 കിലോമീറ്ററോളം വേഗതയുള്ള ഈ കൊടുങ്കാറ്റ് തായ്‌വാനെ ചുറ്റിക്കറങ്ങി ശനിയാഴ്ച വൈകുന്നേരത്തോടെ ചൈനയിലെ ഫുജിയാൻ പ്രവിശ്യയിൽ കര തൊടുമെന്നാണ് കണക്കാക്കുന്നത്.

യുഎഇയിൽ നിന്നും തായ്‌വാൻ ഉൾപ്പെടെയുള്ള കിഴക്കൻ ഏഷ്യൻ രാജ്യങ്ങളിലേക്ക് കണക്റ്റിംഗ് ഫ്ലൈറ്റുകളിലും മറ്റും യാത്ര ചെയ്യാൻ ഒരുങ്ങുന്ന മലയാളി പ്രവാസികൾ ഉൾപ്പെടെയുള്ള യാത്രക്കാർ വിമാനത്താവളത്തിലേക്ക് പുറപ്പെടുന്നതിന് മുൻപ് തങ്ങളുടെ വിമാനങ്ങളുടെ കൃത്യമായ സമയവിവരം ഓൺലൈൻ വഴി പരിശോധിച്ച് ഉറപ്പുവരുത്തേണ്ടതാണ്.

ADVERTISEMENT