Opens in a new tab
ADVERTISEMENT
● ലൈവ് എഡിഷൻ  |  2026 ഒക്ടോബർ 9, വെള്ളിയാഴ്ച
Newsfact Malayalam News Portal Official Logo
→
ഫോണ്ട്
World
ഹോം / World / വാർത്ത

അന്തർവാഹിനി കേബിളുകളുടെയും ഊർജ്ജ ശൃംഖലകളുടെയും സംരക്ഷണത്തിന് കൈകോർത്ത് ഖത്തർ; യുകെയും സിംഗപ്പൂരുമുൾപ്പെടെ 17 രാജ്യങ്ങളുടെ പുതിയ സഖ്യം

അന്തർവാഹിനി കേബിളുകളുടെയും ഊർജ്ജ ശൃംഖലകളുടെയും സുരക്ഷ ഉറപ്പാക്കാനുള്ള 17 രാജ്യങ്ങളുടെ അന്താരാഷ്ട്ര കൂട്ടായ്മയിൽ ഖത്തർ പങ്കാളിയായി.
ADVERTISEMENT

ദോഹ: കടലിനടിയിലൂടെയുള്ള വാർത്താവിനിമയ കേബിളുകളുടെയും ഊർജ്ജ ശൃംഖലകളുടെയും സുരക്ഷ ഉറപ്പാക്കുന്നതിനായുള്ള അന്താരാഷ്ട്ര കൂട്ടായ്മയിൽ ഖത്തർ പങ്കാളിയായി. സിംഗപ്പൂരിൽ നടന്ന ഷാംഗ്രി-ലാ ഡയലോഗിന്റെ (Shangri-La Dialogue) അനുബന്ധ യോഗത്തിലാണ് ഖത്തർ ഉൾപ്പെടെ 17 രാജ്യങ്ങൾ ചേർന്നുള്ള പുതിയ സംയുക്ത സഖ്യം രൂപീകരിച്ചത്. അന്തർവാഹിനി ഇൻഫ്രാസ്ട്രക്ചറുകളുടെ സംരക്ഷണത്തിനായി രൂപീകരിച്ച ‘ഗൈഡ്’ (GUIDE – Guiding Principles for Underwater Infrastructure Defence Exchanges) എന്ന സന്നദ്ധ കൂട്ടായ്മയിലാണ് ഖത്തർ ഒപ്പുവെച്ചത്.

ആഗോളതലത്തിൽ വാർത്താവിനിമയം, ഊർജ്ജ കൈമാറ്റം, വാണിജ്യം എന്നിവയെ താങ്ങിനിർത്തുന്ന കടലിനടിയിലെ ശൃംഖലകളുടെ സുരക്ഷയ്ക്ക് ഭീഷണികൾ വർദ്ധിച്ചുവരുന്ന പശ്ചാത്തലത്തിലാണ് ഈ നീക്കം. സിംഗപ്പൂർ പ്രതിരോധ മന്ത്രാലയം പുറത്തുവിട്ട വിവരങ്ങൾ പ്രകാരം, രാജ്യങ്ങൾ തമ്മിലുള്ള നിയമപരമോ സാമ്പത്തികപരമോ ആയ ബാധ്യതകൾക്ക് അപ്പുറം, തന്ത്രപ്രധാനമായ ഈ മേഖലയിലെ സുരക്ഷാ വെല്ലുവിളികൾ സംയുക്തമായി നേരിടാൻ പ്രതിരോധ സംവിധാനങ്ങളെ സജ്ജമാക്കുകയാണ് ഈ കൂട്ടായ്മയുടെ ലക്ഷ്യം. ഭൂമിശാസ്ത്രപരമായ അതിരുകൾ മറികടന്ന് യൂറോപ്പ്, മിഡിൽ ഈസ്റ്റ്, തെക്കുകിഴക്കൻ ഏഷ്യൻ മേഖലകളിലെ രാജ്യങ്ങളാണ് ഈ സഖ്യത്തിലുള്ളത്.

ഖത്തർ, യുകെ, സിംഗപ്പൂർ എന്നിവയ്ക്ക് പുറമെ ഓസ്‌ട്രേലിയ, ബ്രൂണെ, എസ്റ്റോണിയ, ഫിൻലാൻഡ്, ഫ്രാൻസ്, ഇറ്റലി, ലാത്വിയ, ലിത്വാനിയ, മലേഷ്യ, നെതർലാൻഡ്‌സ്, ന്യൂസിലാൻഡ്, ഫിലിപ്പീൻസ്, സ്വീഡൻ, തായ്‌ലൻഡ് എന്നീ രാജ്യങ്ങളാണ് ഈ ധാരണാപത്രത്തിൽ ഒപ്പുവെച്ചിരിക്കുന്നത്. ശൃംഖലയുടെ ഏതെങ്കിലും ഒരു ഭാഗത്തുണ്ടാകുന്ന തടസ്സം ആഗോള തലത്തിൽ തന്നെ വലിയ പ്രതിസന്ധികൾക്ക് കാരണമാകുമെന്നും, അതുകൊണ്ട് തന്നെ ഇത്തരം നിർണായക അടിസ്ഥാന സൗകര്യങ്ങൾ സംരക്ഷിക്കാൻ അന്താരാഷ്ട്ര മാനദണ്ഡങ്ങൾ അനിവാര്യമാണെന്നും സിംഗപ്പൂർ പ്രതിരോധ മന്ത്രി ചാൻ ചുൻ സിംഗ് വ്യക്തമാക്കി.

ADVERTISEMENT