Opens in a new tab
ADVERTISEMENT
● ലൈവ് എഡിഷൻ  |  2026 ഒക്ടോബർ 9, വെള്ളിയാഴ്ച
Newsfact Malayalam News Portal Official Logo
→
ഫോണ്ട്
World
ഹോം / World / വാർത്ത

ഈദ് അവധിയിൽ ഖത്തറിൽ സ്റ്റേക്കേഷൻ തിരക്ക്; ഹോട്ടലുകളും വിനോദകേന്ദ്രങ്ങളും പ്രവാസി കുടുംബങ്ങളാൽ സജീവം

ഈദ് അൽ അദ്ഹ അവധിക്കാലത്ത് ഖത്തറിൽ വിദേശയാത്രയ്ക്ക് പകരം ആഭ്യന്തര ഹോട്ടൽ സ്റ്റേക്കേഷനുകളും വിനോദകേന്ദ്രങ്ങളും തിരഞ്ഞെടുത്ത് പ്രവാസി കുടുംബങ്ങൾ.
ADVERTISEMENT

ദോഹ: ഈദ് അൽ അദ്ഹ അവധിക്കാലത്ത് ഖത്തറിൽ താമസിക്കുന്ന പ്രവാസി കുടുംബങ്ങൾ വിദേശയാത്രകൾക്ക് പകരം രാജ്യത്തിനകത്തെ ഹോട്ടൽ സ്റ്റേക്കേഷനുകളിലേക്കും വിനോദകേന്ദ്രങ്ങളിലേക്കും തിരിയുന്നതായി റിപ്പോർട്ട്. വിദേശയാത്രയ്ക്ക് വേണ്ട അധിക സമയം, ഉയർന്ന യാത്രാച്ചെലവ്, വിമാനത്താവളങ്ങളിലെ തിരക്ക് എന്നിവ ഒഴിവാക്കി ചെറിയ ആഭ്യന്തര അവധി ആഘോഷങ്ങൾ തിരഞ്ഞെടുക്കുന്ന പ്രവണതയാണ് ഇപ്പോൾ ഹോസ്പിറ്റാലിറ്റി മേഖലയിൽ പ്രതിഫലിക്കുന്നത്. വെസ്റ്റ് ബേ, ലുസൈൽ, ദി പെർൾ, മരുഭൂമി റിട്രീറ്റുകൾ, വെൽനെസ് റിസോർട്ടുകൾ എന്നിവിടങ്ങളിലെ ബീച്ച് റിസോർട്ടുകളിലും നഗര ഹോട്ടലുകളിലും ബുക്കിംഗുകൾ കുതിച്ചുയർന്നതായി പ്രമുഖ പ്രാദേശിക മാധ്യമങ്ങൾ റിപ്പോർട്ട് ചെയ്തു.

സ്കൂൾ അവധിയും ഈദ് പൊതുഅവധിയും ഒരുമിച്ചെത്തിയ പശ്ചാത്തലത്തിൽ, കുട്ടികളുമൊത്ത് സുരക്ഷിതമായി സമയം ചെലവഴിക്കാനുള്ള ഇടങ്ങളാണ് കുടുംബങ്ങൾ കൂടുതലായി തേടുന്നത്. ആകർഷകമായ ഹോട്ടൽ ഭക്ഷണ ഓഫറുകൾ, ലേറ്റ് ചെക്ക്-ഔട്ട് (late checkout), കിഡ്‌സ് ക്ലബ്ബുകൾ, പ്രത്യേക വിനോദ പാക്കേജുകൾ എന്നിവ പ്രവാസി മലയാളികൾ ഉൾപ്പെടെയുള്ള ഇന്ത്യൻ കുടുംബങ്ങളെ സ്റ്റേക്കേഷനുകളിലേക്ക് ആകർഷിക്കുന്ന പ്രധാന ഘടകങ്ങളാണ്. കുട്ടികൾക്കായുള്ള വിനോദ പരിപാടികളുള്ള കുടുംബ സൗഹൃദ പ്രോപ്പർട്ടികൾക്കാണ് അവധിക്കാലത്ത് ആവശ്യക്കാരേറെയുള്ളത്.

അതേസമയം ഓൾഡ് ദോഹ പോർട്ട് (Old Doha Port), കതാറ, സൂഖ് വാഖിഫ്, അൽ ബിദ്ദ പാർക്ക്, ദി പെർൾ ഐലൻഡ്, ആസ്പയർ പാർക്ക് തുടങ്ങിയ പൊതുവേദികളിലും വലിയ തിരക്കാണ് ഈദ് അവദിയിൽ അനുഭവപ്പെടുന്നത്. ഇവിടെ ഒരുക്കിയിട്ടുള്ള സൗജന്യ പ്രവേശനമുള്ള പരിപാടികളും വൈവിധ്യമാർന്ന സാംസ്കാരിക ആഘോഷങ്ങളും പ്രവാസി കുടുംബങ്ങൾക്ക് ചെലവ് കുറഞ്ഞ രീതിയിൽ ഈദ് ആഘോഷിക്കാനുള്ള മികച്ച അവസരമൊരുക്കുന്നു. എന്നാൽ, ഇത്തരം തിരക്കേറിയ ഇടങ്ങളിലേക്ക് പോകുന്നവർ കടുത്ത ചൂട്, പാർക്കിംഗ് ബുദ്ധിമുട്ടുകൾ, കുട്ടികളുടെ സുരക്ഷ, ഗതാഗത സമയം എന്നിവ മുൻകൂട്ടി കണക്കാക്കണമെന്ന് അധികൃതർ ഓർമ്മിപ്പിച്ചു.

ADVERTISEMENT