Opens in a new tab
ADVERTISEMENT
● ലൈവ് എഡിഷൻ  |  2026 ഒക്ടോബർ 9, വെള്ളിയാഴ്ച
Newsfact Malayalam News Portal Official Logo
→
ഫോണ്ട്
Business
ഹോം / Business / വാർത്ത

ഖത്തറിൽ ‘മാംഗോ മാനിയ’ക്ക് തുടക്കം; 40-ലധികം ഇന്ത്യൻ ഇനങ്ങൾ ഉൾപ്പെടെ ലോകോത്തര മാമ്പഴങ്ങളുമായി ലുലു ഹൈപ്പർമാർക്കറ്റ്

LuLu Hypermarket Qatar has launched 'Mango Mania' in collaboration with the Indian Embassy and APEDA, showcasing over 40 premium Indian mango varieties.
ADVERTISEMENT

ദോഹ: ഖത്തറിലെ മാമ്പഴപ്രേമികൾക്കായി ലുലു ഹൈപ്പർമാർക്കറ്റ് ഒരുക്കുന്ന വാർഷിക മാമ്പഴ മഹോത്സവമായ ‘മാംഗോ മാനിയ’ക്ക് ദോഹയിൽ വർണ്ണാഭമായ തുടക്കമായി. ഖത്തറിലെ ഇന്ത്യൻ എംബസിയുടെയും ഇന്ത്യയിലെ കാർഷിക-സംസ്കരിച്ച ഭക്ഷ്യോത്പന്ന കയറ്റുമതി വികസന അതോറിറ്റിയുടെയും (APEDA – അപെഡ) സജീവ സഹകരണത്തോടെയാണ് ഇത്തവണ മേള സംഘടിപ്പിച്ചിരിക്കുന്നത്. ‘പഴങ്ങളുടെ രാജാവ്’ എന്നറിയപ്പെടുന്ന മാമ്പഴത്തിൻ്റെ ഇന്ത്യയിൽ നിന്നുള്ള 40-ലധികം പ്രീമിയം ഇനങ്ങൾ ഉൾപ്പെടെ ലോകത്തിൻ്റെ വിവിധ ഭാഗങ്ങളിൽ നിന്നുള്ള വൈവിധ്യമാർന്ന മാമ്പഴങ്ങളാണ് പ്രവാസി മലയാളി കുടുംബങ്ങൾക്കായി ലുലുവിൽ ഒരുക്കിയിരിക്കുന്നത്.

ഇന്ത്യൻ എംബസിയുടെയും അപെഡയുടെയും പ്രതിനിധികളുടെ സാന്നിധ്യത്തിൽ നടന്ന ഔദ്യോഗിക ഉദ്ഘാടന ചടങ്ങിൽ, ഇന്ത്യൻ മാമ്പഴങ്ങളുടെ ആഗോള സ്വീകാര്യതയും വിപണി സാധ്യതകളും അധികൃതർ ഊന്നിപ്പറഞ്ഞു. ഇന്ത്യൻ കർഷകരെയും കയറ്റുമതിക്കാരെയും ആഗോള ഉപഭോക്താക്കളുമായി നേരിട്ട് ബന്ധിപ്പിക്കുന്നതിന് ഇത്തരം മേളകൾ മികച്ച പ്ലാറ്റ്‌ഫോമാണെന്ന് അപെഡ പ്രതിനിധികൾ വ്യക്തമാക്കി. അൽഫോൻസോ, കേസരി, ബദാമി, മല്ലിക, നീലം, ബംഗനപ്പള്ളി തുടങ്ങിയ ജനപ്രിയ ഇന്ത്യൻ ഇനങ്ങളാണ് പ്രദർശനത്തിൽ പ്രധാന ആകർഷണം. പുതിയ മാമ്പഴ സീസൺ പ്രവാസികളിലേക്ക് എത്തിക്കുന്നതിനൊപ്പം ഇരു രാജ്യങ്ങളും തമ്മിലുള്ള കാർഷിക-വ്യാപാര ബന്ധം ശക്തമാക്കാൻ ഇത് സഹായിക്കുമെന്ന് ഇന്ത്യൻ എംബസി വക്താക്കൾ അറിയിച്ചു.

മാമ്പഴങ്ങൾക്ക് പുറമെ, ലുലുവിൻ്റെ ഹോട്ട് ഫുഡ്, ബേക്കറി വിഭാഗങ്ങളിൽ മാമ്പഴം ചേർത്തുള്ള പ്രത്യേക വിഭവങ്ങളും പാനീയങ്ങളും മേളയുടെ ഭാഗമായി ഒരുക്കിയിട്ടുണ്ട്. മാമ്പഴ പായസം, മാംഗോ പുഡ്ഡിംഗ്, മാംഗോ ചിക്കൻ കറി, വൈവിധ്യമാർന്ന പേസ്ട്രികൾ, കേക്കുകൾ, സ്മൂത്തികൾ എന്നിവയും ഉപഭോക്താക്കൾക്ക് ഇവിടെ ആസ്വദിക്കാം. വരും ദിവസങ്ങളിൽ ഖത്തറിലെ എല്ലാ ലുലു ഹൈപ്പർമാർക്കറ്റ് ശാഖകളിലും ഈ മാമ്പഴ വിരുന്ന് തുടരുമെന്ന് ലുലു മാനേജ്മെൻ്റ് അറിയിച്ചു.

ADVERTISEMENT